لماذا [يجب أن] تتمسك الجماعة الوطنية بمرشح إخواني رئيسًا للجمهورية ( مقال يستحق القراءة )

بقلم: د. محمود مسعود * أستاذ الفلسفة الإسلامية والفكر السياسي بكلية دار العلوم.

بناء على طلب صديق عزيز على قلبى قراءة مقال متداول فى دعم مرشح الجماعة للرئاسة
وبعد قارئة للمقال لاكتر من مرة و كل مرة يزداد الضغط عندى حبيت اقول الكلمتين دول و اجرى على الله
مقال رائع و اكثر من رائع عن بركة الجمع و ليس الجماعة ولى من التعليقات عليه شئ بسيط اتمنى ان تتحمله نفوسكم

1 ) فى مقدمة طويلة قرابة ال20 سطر حاول الكاتب ان يبرر لنفسه ان القوى الوطنية اسلامين او غيرهم يعنى بالبلدى كده الناس اللى فاهمه بس هيا اللى عارفه ان كلامه صح ان ابو الفتوح رفيق عمره وصديقه لايصلح للرئاسة دى تحتها ميت خط لان دى اساس كتابه المقال

2) يحتوى المقال على العديد من الاحداث المرتبة و المقسمة بنفس التفسير لاخراج نفس النتيجة الفكرية ان اللى خرج عن الجماعة هيضل الطريق لازم و الراجل كلامه صح على اساس انه بيتكلم مع قطيع

ليه بقى دى عاوزه شرح شوية لان الراجل صاحب تفسير الاحداث طبقا لمفهومه ومن وجه نظر استخبارتية معرفش جابها منين وتقريبا ده راجل شغال فى التنظيم الخاص او عاوز يوهمنا ان الاخوان تيار استخباراتى فده مقال يخوف المواطن مش يطمنه للاختيار ولا يمكن الراجل عاوز يقلنا انه عنده معلومات غير متوفرة لغيره من العامة مش عارف اهو كله رغى

3 ) يحمل التقرير العديد من الاخطاء التاريخية و منها على سبيل المثال لا الحصر ان حزب مصطفى كامل كان وطنى اسلامى و انه قاد ثورة اسلامية و ان سعد زعلول كان فى الحزب ده حد يفهمه مين مصطفى كامل و فين الثورة الاسلامية اللى عملها و من امتى الحزب الوطنى كان اسلامى يمكن الراجل عنده كتب تاريخ غير اللى احنا بنقراها الوحيد اللى اتكلم فى النقطة دى كان د عبدالعزيز جاويش و كان بيقول ان مصطفى كامل كان بيقول ان البعد عن الخلافة فى تركيا يسقط الاسلام لما كان عنده 17 سنة و مش عارف بقى هو فهما ثورة اسلامية ازاى وعلى حسب معلوماتى انه كان عاوز يعمل جامعة اسلامية فى القاهرة لتدريس العلوم الحديثة ايه قصة الثورة الاسلامية مش عارف بس عادى و برضه على حسب علمى يعنى انه هوه و لطفى السيد و الخديوى عباس حلمى على مااذكر هما اللى اسسوا مايعرف بالحزب الوطنى و محدش جاب سيرة اسلامى دى

4 ) محمد على باشا لم يكن ملاك و لم يكن يريد الوحدة بين مصر و الشام لكن الراجل كان عاوز يوسع امبراطوريته على حساب الامبراطورية العثمانية اللى كانت ضعيفة وكان عاوز يضمن قيام دولة ليه يتوارثها ابنائه من بعده و لم حب يعمل نهضة فى البلد ارسل البعثات التعليمية الى كل الدول منها تركيا و انجلترا و فرنسا ايه موضوع مساعدة الفرنسين ليه مش عارف انا اعرف ان اللى ساعده االانجليز و فرنسا كانت مصر خارج سيطرتها تماما عشان بريطانيا واخداها رابط للهند و يعنى فرنسا مالهاش رجل فى المنطقة

5 ) انا معرفش بالنسبة للحج عبد الناصر هوه جاب الكلام ده منين لكن بما انه دكتور فى الجامعة و راجل كبير فى السن اكيد يعنى لحق حته من عبدالناصر فاعتقد ان كل مؤلفات العلمية و التاريخية فى الفترة دى كانت بتقول ان عبد الناصر ديكتاتور صاحب قرار منفرد و ان صوته من دماغه بالبلدى يعنى السد فكرته و الاصلاح الزراعى فكرته و التاميم فكرته و النهضة الصناعية فكرته و التوجه الاقليمى فكرته و تحركاته و تصرفاته الا اذا كانت ثورة 52 فوتوشوب روسى ده موضوع تانى و عبد الناصر طول عمره زى مابيحكوا عنه ملهم و لكن فعلا مكنش عنده وعى
بصراحة الكاتب اتحفنا باطروحاته الفكرية الثرية من اجل دعم قرار الجماعة
----------------------------------
و اه بالمناسبة اخر 49 سطر دول موجهين لشباب لجماعة عشان يعرفوا يردوا على اى حد يعلق على المقال
--------------------------------
للاسف شط شيوخ الجماعة و عجائزها كل الشطط فى ذم صديق الامس و اخوا الامس و عدوا اليوم و ليس منافس اليوم و عاوزين يدخلونا طرف فى صراعاتهم الداخلية على ادارة العالم المخابراتى المظلم الخاص بهم اللى مش عارف الكاتب جابه منين لكن عادى ادينا بنتفرج
---------------------------------------
لاصدقائى من شباب الجماعة نصيحة لله انتا مش محتاج انك تدافع عن قيم ومبادئ سامية بهذا الاسلوب
اعلموا ان مرشحكم فائز فلكم الغلبة و لاكن لاتتعاملوا معنا بهذا المستوى الفكرى من التحريف لاحداث التاريخ لاظهار مدى حجم الخطا الذى وقع فيه عبد المنعم ابو الفتوح
---------------------------------------
شكرا لتفهمكم

» فضل صلاة الجماعة
» حمدين صباحى يرفض أن يكون نائباَ للجمهورية
» الأعتزال مقال للكاتب شمس الدين الكيلاني