لحظة من فضلك

موضوع: لحظة من فضلك السبت نوفمبر 27, 2010 4:37 pm

لحظه من فضلك ..!

--------------------------------------------------------------------------------

ليه فيه ناس لما تلاقي حاجة نضيفة بتحاول تشوها ؟..... يعني مثلا بالنسبة للحيطان ....... ليه فيه ناس لما تلاقي حيطة نضيفة بتشخبط عليها ؟ ....... منظر غير حضاري مش كده ؟

- يعني تلاقي فيه ناس بتتعامل مع الجدران على أساس إنها نصب تذكاري لتخليد ذكرى كل بطل عدّي من جنب الحيطة دي .....فمينفعش يعدي من جنبها إلا ولازم يكتب إسمه ...... فمتستغربش لما تلاقي حيطة مكتوب عليها .

البرنس حمادة مجانص

المرعب توتو عضلات

المعلم حلبؤه الهفتان

الباشا زَلَقُطّة الجعر

( عصابة الرباعي المرعب ...... قابل الموت ولا تقابلهومش ههههههههه) ..... ويرسملك جنبها الجمجمة إلي طالع منها عضمتين . ض5

- واحد تاني تلاقيه واخد زمبة من حبيبته ض5ض7.... فميلاقيش حتة يكتبلها فيها إلا على السور إلي كانو بيتقابلو عنده علطول , فيكتبلها قصيدة ملتهبة تعبر عن مدى لوعته وحسرته لما صفاء سابته . ض7 ض11

بحبك يا صفااااااء

ده البعد عنك جبلي داااء

وإرجعي بقى دإنت من يوم مابعدتي وانا عمال أقول واااء .... واااء

الإمضاء ( المدهول على عينه, ننوس عين صفاء )

ويمكن تكون صفاء معدية على السور ده فترد عليه هي كمان .

يا خاين يا غشاش

بعتني بلاش

بقى أقولك هاتلي شبكة تقولي معندناش

وفالح بس تجيبلي في أطايف وجولاش

خلاص هي دي النهاية مع إننا لسه ما إبتديناش

الإمضاء ( المجروحة صفاء )

- فيه ناس بقى بتحب تكتب مذكراتها على الجدران ..... فمثلا يكون أحمد وخطيبته منار رايحيين جنينة فيكتب أحمد على الحيطة

( أحمد + منار = حب للأبد 3 - 5- 1990) .

بعد سنة جواز يروحو نفس الجنينة ..... فيكتب على نفس الحيطة
( أحمد + منار = حب بس مش للأبد 3- 5 -1991) .

بعد عشر سنين يروحو نفس الجنينة .... ويكتب على نفس الحيطة
( أحمد + منار = أرف ووش ووجع دماغ 3-5- 2001 )

لما يكملو 20 سنة جواز هيروح الجنينة لوحده و يكتب
( أحمد – منار = راحة وسعادة وانبساط للأبد 3-5 - 2010 ) .

- ده غير بقى الشعارات إلي ممكن تلاقيها علي الجدران إلي بتعبر عن نبض الشارع ...... ( لا للغلاء والإستغلال ..... الموت لإسرائيل .... لا للواسطة والكوسة ...... لا للتزوير في الإنتخابات ) الشعارات دي لو معارضه ...... أما بقى لو شعارات تبع الحكومة فهتلاقي مكتوب شعارات تانية ...... ( الضرايب مصلحتك اولا ........ نعم لمبارك ...... إسرائيل عربية .......... (نعم للتزوير ....... لمّا يكون في مصلحة الشعب ) ...... واحد تاني يكتب ( ردا علي ما هو مكتوب ( لا للكوسة) .... أقول إلى كاتب هذه العبارة إنه شخص عميل ومجرم كيف يعترض على زراعة مصر للكوسة .... أيريد تجويع هذا الشعب العظيم ؟! ..... بل نعم نعم للكوسة ) .ض5

الكلام إلي فات ده كان بالنسبة للحيطان ..... نروح نشوف كتابات تانية بتبقى على باب أي دورة ميه ....

هتلاقي واحد كاتبلك تحذير عالباب ( احترس ...... الحمام مراقب هههههههه ) .......أوباظ .... وبعدين بقى في العطلة دي؟ ...... هو الواحد هيعمل زي ما الناس بتعمل ولا هيعد يدور على مكان الكاميرا .. ض34

وتلاقي واحد تاني كاتب نصيحة (عزيزي العميل .... متنساش تشد السيفون وراك منعا للتلوث البيئي ) ...... الإمضاء ( شخص كان قاعد مكانك 14-3 -2003 ) .

نيجي بقا للمدرسه وايام المدرسه تلاقى الى كاتبلك ع التخته بتاعتوا (لا للتعليم) (أخدنا ايه من التعليم)
(بلا تعليم بلا وجع دماغ) ض5

بس ليه الواد ننوس صفاء كان بيجيب لها أطايف وجلاش؟
هي البت صفاء كانت بتحبهم أوي
وللا هو اللي كان بياكلهم منها؟
التوضيح كان مهم جدا يا جنة

والله عندك حق في كل اللي قلتيه
للأسف نحن لا نقدر الجمال
ولدينا نزعة غريبة للتدمير
زي اللي يمشي ماسك مفاتيحة ويخربش في بوية السيارات المتوقفة في الشارع
والله شفت راجل قارب على الستين يفعل ذلك
وكان يسير ويفعل ذلك وكأنه لا يدري
كلما مر بجانب سيارة خدشها من أولها آخرها بالمفاتيح
وسبحان الله
جزاك الله خيرا

والله موضوع جميل بس المشكلة فينا يا فلاشينج احنا مبنقدرش الجمال

ما ينفعش فلاشينج من غير لايت
انتي كدة خدتي الصفة وسبتي الأسم
بصي يا أمل
أوحيتي لي بفكرة جميلة لما ناديتيني كدة
ايه رايكم نعمل منتدى فرعي لدروس اللغة الأنجليزية
ودة عليا
لو حد كويس في أي لغة تانية نعمل لها برضه مكان
وهذه دعوة لأخذ الرأي على الموضوع دة
ايه رأيكم يا جماعة
أخوكي فلاشينج بس

تمام يا فلاشينج ويا ريت بردة تترجم اسمك عادى يعنى

هههههههههههههههههههه

دى ضحة مش حبل غسيل

فلاشينج لايت معناها الضوء الساطع
او الضوء الوهاج
انتي باة بتناديني وهاج من غير ضوء
طب دة كلام؟
Cool

طب كل دي ضحكة؟
طب فين الدبابيس عشان ننشر الكلام دة

والله العظيم انت منورنا ومنور المنتدى يا استاذ محمد سواء بالايت او بدونه

وبعدين ليه الدبابيس انشر كدة وخلاص مش هيقع الكلام

ههههههههههه

وآدي كمان حبل غسيل من جنه
يا جماعة معنديش دبابيس تكفي النشر
لازم دبابيس لأن الجو هوا شويتين
وربنا يكرمك على المجاملة اللطيفة يا جنة
والله انتي اللي منورانا

» لحظة من فضلك أيها الزائر العزيز
» ضع الكلمة المناسبة فى الفراغ من فضلك
» لحظة من فضلكم