حوار بين أربعة فلاحين من البحيرة عن العشر الأوائل من ذي الحجة

مشهد وحوار مسرحي بين أربعة أصحاب فلاحين من البحيرة بيتكلموا فيه عن فضل العشر الأوائل من ذي الحجة

أبطال المشهد

أحمد

إسلام

أشرف

محمد

أحمد : ياااه انتهي رمضان يا رجالة خسارة والله

كانت أيام حلوة وما تتعوضش

ومش عارف ليه حاسس إن ده آخر رمضان ليا

إسلام : ضيعت رمضان يا فقري ؟

ما تزعلش بس حاول تعوض والحق نفسك بسرعة

أحمد : والله غصب عني يا سمسم كله من الشيطان ابن الكلب ومش عارف أعمل إيه

محمد : يا سلام يا إسلام يعجبنى فيك التفاؤل ده .. شفت يا أحمد صحبك بعد ما خطب شاف الدنيا حلوة إذاي .. عقبالك يا ميدو

أحمد : طب واعمل إيه دلوقت

محمد : قدامك فرصة تانية .. ويمكن تكون زي رمضان كمان .. إيه رأيك بقة

أحمد : زي رمضان .. باين عليك عبيط

دي فرصة إيه دي اللي ممكن تعوض أيام رمضان هه قول بسرعة الله يخليك ؟

محمد : ما سمعتش عن العشر الأوائل

أحمد : إيوة إيوة العشر البيض ... صح .. عارف صح

إسلام : لا يا زكي العشر تيام دول بتوع ذي الحجة اللي الناس بتروح تحج فيهم

أحمد : آآآآآآآآآآآآآآآآآآآآآآآآآآآآآآآآآه

محمد : تمام الله يفتح عليك يا سمسم هم دول أيام الفرصة اللي لازم ما نفوتوهاش لأنها كنز وحاجة ببلاش كدة

أحمد : إنت متأكد من الكلام ده ؟

إسلام : شكله بيتكلم صح عشان أنا سمعت ده مرة في خطبة الجمعة حدانا في البلد

أحمد : إحنا لازم نشوف حد متعلم ويفتينا في الموضوع

محمد : يا عم متعلم مين دلوقت الساعة اتنين بليل والعزبة كلها نامت من المغرب أحسن حل نروح للواد أخوك يدخلنا على النت ويقرالنا إيه المكتوب هناك

أحمد : صح هو ده الكلام يالا بينا

الجميع : إزيك يا اشرف

أحمد : أهلاَ برضوا كنتم ع القهوة لحد دلوقت صح

الجميع سيبك من الموضوع ده

ادخل النت واقرالنا إيه المكتوب على العشر تيام بتوع ذي الحجة

أشرف : ما شاء الله مي نقالكم عليهم دول ؟

بس والله إنتوا ولاد حلال أنا دلوقت في منتدى اسمه ( حبيبي يا رسول الله ) بقاله يومين تلاتة بيتكلم عن الموضوع ده والحق ينقال يا رجالة هناك شوية مشرفين ربنا يديهم الصحة ولدين وبنت ربنا يديلهم الصحة ويباركلهم وبيقولوا فيه كمان مشرف رابع بس مسافر في مؤتمر

إسلام : يا عم اخلص إنت هتحكيلنا قصة حياتك

أحمد : براحة ع الواد يا بني دا المتعلم الوحيد حدانا

أشرف : شوفوا يا شباب

مكتوب في المنتدى ده :

ويكفي لبيان فضل العشر من ذي الحجة أن الله تعالى أقسم بها فقال " وَالْفَجْرِوَلَيَالٍ عَشْرٍ "الفجر1

أحمد : سمعتها كتييييير بس ما كنتش عارف إنها دي

أشرف : وكمان مكتوب يا رجالة : " لِيَشْهَدُوا مَنَافِعَ لَهُمْ وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ " الحج28
الأيام المعلومات دي بقة يا جماعة هي الأيام العشر كما قال سيدنا عبد الله ابن عباس رضي الله عنهما

إسلام : ما شاء الله ربنا يخليهولكم يا أحمد

أشرف : هناك عدة أحاديث تكلم فيها النبي صلى الله عليه وسلم عن فضل العشر الأوائل :
ومنها ما رواه ابن عباس رضي الله عنهما عن النبي صلى الله عليه وسلم أنه قال :
" ما من أيام العمل الصالح فيها أحب إلي الله عز وجل من هذه الأيام , قالوا : يا رسول الله ولا الجهاد في سبيل الله عز وجل , قال : ولا الجهاد في سبيل الله عز وجل إلا رجلاَ خرج بنفسه وماله ثم لم يرجع من ذلك بشيء "رواه البخارى
متفق عليه
وكمان لأن فيها يوم النحر: قال صلى الله عليه وسلم : أعظم الأيام عند الله يوم النحر، ثم يوم القر
رواه أبو داود والنسائي وصححه الألباني
" ويوم القر: هو اليوم الذي يلي يوم النحر؛ يقرون فيه بمنى بعد أن فرغوا من الطواف والنحر واستراحوا"

وفيها اجتماع أمهات العبادة فيها : قال الحافظ ابن حجر في الفتح: "والذي يظهر أن السبب في امتياز عشر ذي الحجة لمكان اجتماع أمهات العبادة فيه ، وهي الصلاة والصيام والصدقة والحج ، ولا يتأتى ذلك في غيره"

أحمد : يا سلام كل ده في المنتدى

أشرف : وأكتر بكتييييييييييييييييير

أحمد : الحمد لله يعني لسة فيه فرصة

طيب بس هنعمل إيه في الأيام دي

إسلام : صح يا شرف قول يا معلم

أشرف : أول حاجة لابد منها في هذه الأيام وفي غيرها

هي التوبة إلي الله تعالي

وبلاش موضوع موضوع القعاد على قهوة بير فحلو دي لنص الليل يا حلوين وتضيعوا وقتكم وفلوسكم على الفاضي

وأنت يا عم محمد سيبك من نانسي وأغانيها لأحسن هتوديك في داهية

وأنت يا سمسم .............

إسلام : عارف ما تقولش

أشرف : نسال الله أن يتوب علينا جميعاَ , وبعد كدة إن شاء الله
تانى حاجة نعملها إن إحنا نصلى الخمس صلوات فى وقتها

أحمد : اكيد بقة تالت حاجة هي "الصيام" صح

أشرف : صح .. شوف مكتوب إيه في المنتدى : قال النبي صلى الله عليه وسلم : فيما رواه ابن عباس رضي الله عنهما قال ": من صام العشر فله بكل يوم صوم شهر وله بصوم يوم التروية سنة "
ويوم التروية : هو اليوم الثامن من ذي الحجة .

إسلام : وأكيد لازم هنصوم يوم عرفة .. صح

أشرف : صح " صوم يوم عرفة ، يكفر سنتين ماضية ومستقبلة" رواه مسلم

محمد : وأكيد إن شاء الله هنقرأ أو نسمع القرآن الكريم ,
أشرف : طبعاَ يا محمد هنحاول نختم ولو ختمة واحدة في هذه الأيام أحمد بس أنا ما عنديش ختم

أشرف : الخاتمة يا أحمد يعني نخلص قراية القرآن مرة
محمد : وعاوزين إن شاء الله نكثر من الذكر في هذه الأيام وخاصة التكبير والتهليل والتحميد

أشرف : يا سلام عليك دهب يتفق مع ما رواه أحمد في مسنده إن النبي صلى الله عليه وسلم قال : " ما من أيام أعظم عند الله ولا أحب إليه العمل فيهن من هذه الأيام فأكثروا فيهن من التهليل والتكبير والتحميد"
،رواه الطبرانى فى المعجم الكبير
ويجوز إننا نجهر بالذكر كما كان عمر وابن عمر وأبو هريرة وغيرهم من الصحابة رضي الله عنهم يفعلون .
وصفة التكبير : الله أكبر ،الله أكبر ، لا اله إلا الله، والله أكبر الله أكبر ولله الحمد .....

أحمد : كلام زين والله بس ده ممكن يكون فيه ثواب زي رمضان

أشرف : ممكن بس لابد من قيام الليل خاصة في هذه الأيام لكن هيكون بشكل فردي كل واحد لحاله لأنه لم يثبت أن النبي صلي الله عليه وسلم أو أحد من الصحابة صلى القيام جماعة في هذه الأيام .

وكان السلف رضي الله عنهم يجتهدون في قيام هذه الأيام كما كان سعيد بن جبير إذا دخل العشر اجتهد اجتهادا حتى ما كاد يقدر عليه وروى عنه أن قال :
"لا تطفئوا سرجكم ليالي العشر "
فكانوا يجتهدون اجتهادا كبيرا
بعدين عاوز تحل مشاكلك قولها لربك فى التلت الأخير وهو القادر على حلها
سبحانه

احمد : إيه كمان مكتوب عندك في المنتدى ؟

أشرف : مكتوب إن الأضحية من أهم القربات
محمد : أه والله عندك حق
بس الأحسن ندبح ولا أطلع فلوس وخلاص أريح
أشرف : الرسول عليه الصلاة والسلام ذبح وده معناه أن الذبح أفضل

إسلام : إن شاء الله ربنا يسهلنا ونعملوا اللي اتفقنا عليه

محمد : اقرالنا كدة إيه مكتوب تاني في المنتدى

أشرف : اسمع يا سيدي

اللي عاوز فرصة يرجع لربنا فيها و يتوب من كل ذنوبه
اللي عاوز فرصة تعوضه عن تقصيره في رمضان الماضي
اللي عاوز يغفر له ذنوب السنة دي و السنة الجاية كمان
اللي عاوز يبدأ صفحة جديدة من حياته و تكون مليئة بالطاعة
ا اللي عاوز يقابل ربنا يوم القيامة بجبال حسنات
اللي مستني رمضان يرجع تاني
اللي وصفهم كدة أو شبيه بيهم يكمل معانا
أيوة عاوزين نتوب من كل ذنوبنا و نرجع لربنا و نبدأ حياة جديدة في طاعة الله
و علشان كدة جاء الوقت المناسب
وقت ربنا بيحبه و أقسم بيه في كتابه
يقول ابن عباس رضي الله عنه أنها عشر ذي الحجة
ربنا أقسم بها و ده يدل على عظم قدرها
و كمان الرسول صلى الله عليه و سلم قال عنها :
مش أيام ربنا بيحبها و بس
لأ
دي أحب الأيام إلى الله و أفضل أيام الدنيا
و فيها يوم عرفة و يوم النحر
يوم عرفة صيامه يغفر ذنوب سنتين سنة ماضية و سنة قادمة
و يوم النحر " يوم عيد الأضحى أحب الأيام إلى الله على الإطلاق "
حتى الجهاد ؟؟؟؟

يعني دي فرصة إننا نتوب من كل ذنوبنا و نبدأ بالأعمال الصالحة
فرصة لا تعوض
و يمكن تكون آخر فرصة
و مينفعش نضيعها زي ما ضيعنا فرص كتير قبل كدة و آخرها كان رمضان
لو عاوزين نطلع منها بجبال حسنات و عاوزين تكون بدايتنا مع الالتزام
لو عاوز تضرب ضربة البداية و تبدأ صح
خليك معانا
كيف تستغل هذه الأيام ؟

عاوزين نتفق على أشياء مبدئية :
عشر ذي الحجة المرة دي ممكن تكون آخر فرصة للعودة إلى الله و الاستكثار من الحسنات
ممكن منلحقش موسم تاني من مواسم الطاعات
فمن البداية مش عاوزين نفوت الفرصة دي و عاوزين نستغلها بكل قوة
و نكتر من الأعمال الصالحة فيها
علشان ربنا يقبلنا
وأهم حاجة
أحمد : يعني مكتوب عندك التوبة سهلة كدة

إسلام : ما فيش حاجة سهلة لازم تتعب

محمد : نتعب إذاي يعني

أشرف ما فيش تعب ولا حاجة بس فيه شوية شروط صغيرة كدة

الجميع شروط إيه دي ؟

أشرف : شروط للتوبة ومنها

إخلاص النية لله الإقلاع عن المعصية فورا .

العزم على عدم العودة إلى الذنوب .

الندم على ما فات من الذنوب .

إرجاع حقوق من ظلمتهم أو أن تطلب البراءة منهم" لو كان فيه حد ليه حق عندك مثلا تكون اغتبته أو خدت حقه أو منعته من أخذ حقه أو كدة فلازم يا إما ترجع له حقه يا إما تطلب منه العفو " .

وساعتها هتبدأ حياة جديدة وتبقى فتحت صفحة جديدة بيضة إن شاء الله

و كل ما تذنب تاني استغفر ربنا و أعلن توبتك دائما و جدد توبتك يوميا و كل ساعة
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
" كُلُّ ابْنِ آدَمَ خَطَّاءٌ ، وَخَيْرُ الْخَطَّائِينَ التَّوَّابُونَ"

أشرف : شوفوا مكتوب إيه كمان
عن أبي هريرة : أن رسول الله صلى الله عليه و سلم جمع الناس فقال يا أيها الناس توبوا إلى الله
فإني أتوب إلى الله في اليوم مائة مرة
متتأخرش عن التوبة لأنها مفتاح باب حياتك الجديدة في طاعة الله
يا ترى هنتوب من إيه ؟
هنتوب من الصلاة اللي فرطنا فيها و ضيعناها
هنتوب من الأغاني اللي بنسمعها و هي حرام و ناخد عليها ذنوب
هنتوب من كل ذنب عملناه
اعمل حسابك إنك لا يمكن تعصي ربنا تاني و لو على رقبتك و جاهد نفسك في الطاعة و أنسى أيام المعصية ابدأوا حياة جديدة

أحمد : الله يخليك اقرالنا إيه تاني مكتوب في منتدى ( حبيبي يا رسول الله )

أشرف : لا حلو إنت وهو جه وقت نومي

اللي عايز يعرف يدخل المنتدى بنفسه

أحمد : وندخل إذاي

أشرف : سهلة خالص

ادخل بالرابط ده
https://msae.yoo7.com

الجميع : شكراَ يا أشرف وربنا ما يحرمنا منك ولا يحمك مننا

ولا يحرمنا منكم جميعاَ

السلام عليكم ورحمة الله وبركاته
مشكور يااستاذى على موضوعك الرائع بارك الله فيك بجد مووضع فى منتهدى الجمال
سلمت يميناك

ماشي يا عم دكدك

بس بطل تسيح اكتر من كدة

رحلة رحلة

» فضل العشر الأوائل من ذي الحجة
» من مكارم العشر الأوائل من ذي الحجة
» فضل العشر الاوائل من ذي الحجة